திருப்பூர் ஆண்டிபாளையம் படகு இல்ல கண்காணிப்பு குழு அமைப்பு
திருப்பூர் மாவட்டம் திருப்பூர் மங்கலம் ரோட்டில் 58 ஏக்கர் பரப்பளவில் ஆண்டிபாளையம் குளம் அமைந்திருக்கிறது. ஆண்டிபாளையம் குளத்தில் ஆண்டு முழுவதும் தண்ணீர் தேங்கி ரம்மியமாக காட்சி அளிக்கிறது. தமிழ்நாடு அரசு சுற்றுலாத்துறை ஆண்டிப்பாளையத்தில் படகு இல்லம் உருவாக்கி சுற்றுலாத்தலமாக மேம்படுத்த 1.50 கோடி ரூபாய் நிதி ஒதுக்கப்பட்டு கடந்த வாரம் முதலமைச்சர் திறந்து வைத்தார்.
ஆண்டிபாளையம் படகு இடத்தில் 13 படகுகளுடன் கூடிய படகு இல்லம், டிக்கெட் கொடுக்கும் இடம், உணவகம், காபி ஷாப், குழந்தைகள் விளையாட பூங்கா, குடிநீர் வசதி, கழிவபறை வசதி உள்ளிட்ட பல்வேறு வசதிகள் செய்யப்பட்டு தற்போது சுற்றுலாத்தலமாக மேம்பாடு செய்யப்பட்டுள்ளது.
படகு இல்லத்திற்கு வரும் சுற்றுலா பயணிகளின் பாதுகாப்பிற்கு முக்கியத்துவம் அளிக்கும் வகையில் மாவட்ட ஆட்சித் தலைவர் உத்தரவின் பேரில் ஆண்டிபாளையம் படகு இல்லம் சுற்றுலாப் பயணிகள் பாதுகாப்பு மற்றும் கண்காணிப்பு குழு அமைக்கப்பட்டது.
இக்குழுவில் திருப்பூர் வருவாய் கோட்டாட்சியர் தலைவராகவும், மாவட்ட சுற்றுலா அலுவலர் உறுப்பினர் செயலராகவும், பல்வேறு துறை சார்ந்த அதிகாரிகள் உறுப்பினர்களாகவும் நியமிக்கப்பட்டுள்ளனர். நேற்று ஆண்டிபாளையம் படகு இல்லத்தில் சுற்றுலா பயணிகளின் பாதுகாப்பு மற்றும் ஆண்டிபாளையம் படகு இல்லம் சுற்றுலாத்தலத்தை மேம்படுத்துதல் குறித்து வருவாய் கோட்டாட்சியர் மோகனசுந்தரம் தலைமையில் கலந்தாய்வு கூட்டம் நடத்தப்பட்டது. ஆண்டிபாளையம் படகு இல்லம் சுற்றுலா தலம் திட்டம் மற்றும் சுற்றுலாத்தலத்தை மேம்படுத்துதல் பற்றி மாவட்ட சுற்றுலா அலுவலர் அரவிந்த் குமார் குழுவிடம் விளக்கிக் கூறினார்.
பின்னர் ஆண்டிபாளையம் படகு இல்லத்தில் சுற்றுலா பயணிகளின் பாதுகாப்பிற்கு மேற்கொள்ளப்பட்ட நடவடிக்கைகள் குறித்து கள ஆய்வு செய்யப்பட்டது. சுற்றுலா பயணிகளின் பாதுகாப்பினை உறுதி செய்யும் பொருட்டு மாவட்ட நிர்வாகம் முன்னெச்சரிக்கை நடவடிக்கைகளை எடுத்து வருகிறது.
இந்த ஆய்வுக்கூட்டத்ததில் மாவட்ட சுற்றுலா அலுவலர் அரவிந்தகுமார், படகு இல்லம் மேலாளர் பாலமுருகன், மாநகராட்சி உதவி ஆணையர் வினோத், நீர்வளத் துறை அதிகாரிகள் அம்சராஜ்,ராகுல் ,வட்டாட்சியர் மயில்சாமி, தீயணைப்பு துறை அலுவலர் மோகன், சுற்றுலா சங்க நிர்வாகிகள் குளோபல் பூபதி, லோகநாதன், காவல் ஆய்வாளர் கவிதா, தமிழ்நாடு மாசு கட்டுப்பாட்டு வாரிய பொறியாளர் பாரதிராஜா உட்பட பலர் கலந்து கொண்டனர்.
இக்குழுவில் திருப்பூர் வருவாய் கோட்டாட்சியர் தலைவராகவும், மாவட்ட சுற்றுலா அலுவலர் உறுப்பினர் செயலராகவும், பல்வேறு துறை சார்ந்த அதிகாரிகள் உறுப்பினர்களாகவும் நியமிக்கப்பட்டுள்ளனர். நேற்று ஆண்டிபாளையம் படகு இல்லத்தில் சுற்றுலா பயணிகளின் பாதுகாப்பு மற்றும் ஆண்டிபாளையம் படகு இல்லம் சுற்றுலாத்தலத்தை மேம்படுத்துதல் குறித்து வருவாய் கோட்டாட்சியர் மோகனசுந்தரம் தலைமையில் கலந்தாய்வு கூட்டம் நடத்தப்பட்டது. ஆண்டிபாளையம் படகு இல்லம் சுற்றுலா தலம் திட்டம் மற்றும் சுற்றுலாத்தலத்தை மேம்படுத்துதல் பற்றி மாவட்ட சுற்றுலா அலுவலர் அரவிந்த் குமார் குழுவிடம் விளக்கிக் கூறினார்.
பின்னர் ஆண்டிபாளையம் படகு இல்லத்தில் சுற்றுலா பயணிகளின் பாதுகாப்பிற்கு மேற்கொள்ளப்பட்ட நடவடிக்கைகள் குறித்து கள ஆய்வு செய்யப்பட்டது. சுற்றுலா பயணிகளின் பாதுகாப்பினை உறுதி செய்யும் பொருட்டு மாவட்ட நிர்வாகம் முன்னெச்சரிக்கை நடவடிக்கைகளை எடுத்து வருகிறது.
இந்த ஆய்வுக்கூட்டத்ததில் மாவட்ட சுற்றுலா அலுவலர் அரவிந்தகுமார், படகு இல்லம் மேலாளர் பாலமுருகன், மாநகராட்சி உதவி ஆணையர் வினோத், நீர்வளத் துறை அதிகாரிகள் அம்சராஜ்,ராகுல் ,வட்டாட்சியர் மயில்சாமி, தீயணைப்பு துறை அலுவலர் மோகன், சுற்றுலா சங்க நிர்வாகிகள் குளோபல் பூபதி, லோகநாதன், காவல் ஆய்வாளர் கவிதா, தமிழ்நாடு மாசு கட்டுப்பாட்டு வாரிய பொறியாளர் பாரதிராஜா உட்பட பலர் கலந்து கொண்டனர்.
