உதவியாளர், தட்டச்சர் உள்பட 6574 பதவிகள் குரூப் 4 தேர்வுக்கு 14.89 லட்சம் பேர் விண்ணப்பம்: ஜனவரி 10ம் தேதி எழுத்து தேர்வு.!

By

 

விஏஓ, இளநிலை உதவியாளர், தட்டச்சர் உள்பட குரூப் 4 பணியில் காலியாக உள்ள 6574 பணியிடங்களை நிரப்புவதற்கான தேர்வுக்கு 14.89 லட்சம் பேர் விண்ணப்பித்துள்ளனர். எழுத்து தேர்வு வரும் ஜனவரி 10ம் தேதி நடக்கிறது. தமிழ்நாடு அரசுப்பணியாளர் தேர்வாணையம் (டிஎன்பிஎஸ்சி) குரூப் 4 பதவியில் காலியாக உள்ள 6574 காலி பணியிடங்களை நிரப்புவதற்கான அறிவிப்பை கடந்த மாதம் 6ம் தேதி வெளியிட்டது.

அதில் கிராம நிர்வாக அலுவலர் (விஏஓ) 291 காலி பணியிடங்கள், இளநிலை உதவியாளர் 3762, வரி தண்டலர் 97, வருவாய் உதவியாளர் 96, வரி வசூலிப்பவர் 107, நிர்வாக உதவியாளர் 55, தட்டச்சர் 1,572, சுருக்கெழுத்து தட்டச்சர் 404, நேர்முக எழுத்தர் 60, செயல் அலுவலர் 46, வனக்காவலர் 40, விற்பனை உதவியாளர் 10, ஆய்வக உதவியாளர் 23, பதிவுறு எழுத்தர் 19 உள்ளிட்ட 46 வகையான பணிகளில் 6574 காலிப்பணியிடங்கள் இடம் பெற்றுள்ளன.

இத்தேர்வுக்கு அறிவிப்பு வெளியான அன்றே டிஎன்பிஎஸ்சியின் இணையதளமான www.tnpsc.gov.in, www.tnpscexams.in வாயிலாக விண்ணப்பிக்கலாம் என்று அறிவிக்கப்பட்டிருந்தது. இத்தேர்வுக்கு 10ம் வகுப்பு தேர்ச்சி பெற்று இருந்தால் போதும். இதனால், 10ம் வகுப்பு தேர்ச்சி பெற்றவர்கள் மட்டுமல்லாமல் இளங்கலை, முதுகலை படித்தவர்கள் என்று போட்டி போட்டு விண்ணப்பித்தனர். தேர்வுக்கு நவம்பர் 6ம் தேதி வரை விண்ணப்பிக்கலாம் என்று டிஎன்பிஎஸ்சி அறிவித்து இருந்தது.

காலக்கெடு முடிவடைய ஒரு நாள் மட்டுமே இருந்த நிலையில், விண்ணப்பிப்பதற்கான காலக்கெடுவை நவம்பர் 8ம் தேதி (நேற்று முன்தினம்) வரை நீட்டித்து டிஎன்பிஎஸ்சி அறிவிப்பு வெளியிட்டது. மனித வள மேலாண்மை துறை, அனைத்து பிரிவினருக்கும் வயது உச்ச வரம்பு ஐந்து ஆண்டு காலம் உயர்த்தி ஆணை வழங்கியதால் இந்த காலக்கெடு நீடிக்கப்பட்டது.

இந்நிலையில் குரூப் 4 தேர்வுக்கு விண்ணப்பிப்பதற்கான கால அவகாசம் நேற்று முன்தினம் இரவு 11.59 மணியோடு நிறைவடைந்தது. இத்தேர்வுக்கு 14 லட்சத்து 89 ஆயிரத்து 25 பேர் விண்ணப்பித்துள்ளதாக டிஎன்பிஎஸ்சி தரப்பில் தெரிவிக்கப்பட்டுள்ளது. இந்த எண்ணிக்கை கடந்தை ஆண்டை விட அதிகம் ஆகும். அதே நேரத்தில் தேர்வுக்கு விண்ணப்பித்த தேர்வர்கள் தங்களுடைய விண்ணப்பத்தில் திருத்தங்களை வருகிற 11ம் தேதி நள்ளிரவு 11.59 மணி வரை செய்து கொள்ளலாம் என்று அறிவிக்கப்பட்டுள்ளது.

அதே வேளையில், வரும் ஜனவரி 10ம் தேதி எழுத்து தேர்வு நடக்கிறது. இந்த தேர்வு காலை 9.30 மணி முதல் பிற்பகல் 12.30 மணி வரை நடைபெறும். இத்தேர்வுக்கு 10ம் வகுப்பு தரத்தில் கேள்விகள் கேட்கப்படும். மேலும் காலிப்பணியிடங்களின் எண்ணிக்கை அரசு துறை நிறுவனங்களிடமிருந்து அதிகரித்து பெறப்படும் பட்சத்தில் கலந்தாய்விற்கு முன்பாக, காலி பணியிடங்களின் எண்ணிக்கை மேலும் அதிகரிக்கப்படும் என்று டிஎன்பிஎஸ்சி அதிகாரிகள் தெரிவித்துள்ளனர்.

அதே நேரத்தில் கடந்த 2025ம் ஆண்டு குரூப் 4 பணியில் 5307 காலிப் பணியிடங்களை நிரப்புவதற்கான அறிவிப்பை டிஎன்பிஎஸ்சி வெளியிட்டது. இத்தேர்வு எழுத 5,26,553 ஆண்கள், 8,63,068 பெண்கள், 117 திருநங்கைகள் என மொத்தம் 13 லட்சத்து 89,738 பேர் அனுமதிக்கப்பட்டிருந்தனர். இவர்களில் 11 லட்சத்து 48 ஆயிரத்து 19 பேர் (82.61 சதவீதம்) எழுத்து தேர்வை எழுதி இருந்தனர். இதன் மூலம் ஒரு பணியிடத்துக்கு சுமார் 246 பேர் போட்டியிட்டனர் என்பது குறிப்பிடத்தக்கது

Popular posts from this blog

மணிமுத்தாறு அருவியில் குளித்த தூத்துக்குடி நபர் ஆபத்தான ஆட்கொல்லி நோய் கிருமி தாக்கி பரிதாப மரணம்.!- தாமிரபரணியில் குளிப்பது ஆபத்தானதா.!?

By
Image
  மணிமுத்தாறு அருவியில் குளித்த நபருக்கு ஆபத்தான நோய் கிருமி தொற்று ஏற்பட்டதால் மருத்துவ சிகிச்சை பலனளிக்காத நிலையில் பரிதாபமாக உயிரிழந்தது பரபரப்பை ஏற்படுத்தியுள்ளது. தூத்துக்குடி ராம்நகர் 5 ஆவது தெருவில் வசித்து வந்தவர் 50 வயதான ராமச்சந்தின், மனைவி பெயர் கோமதி. இவருக்கு ஷ்யாம் (23) , தாரிணி (14) என இரு குழந்தைகள் உள்ளனர். நிறுவனங்களுக்கு வரி ஆலோசகராக செயல்பட்டு வந்த இவர் கடந்த அக்டோபர் 10ம் தேதி குடும்பத்தினருடன் மணிமுத்தாறு அருவிக்கு குளிக்க சென்றுள்ளார். பின்னர் வீடு திரும்பிய அவருக்கு இரண்டு நாட்களாக தலைவலி இருந்து வந்த நிலையில் அக்டோபர் 15ம் தேதி காய்ச்சல் ஏற்பட்டுள்ளது. இதனையடுத்து இரண்டு நாட்களில் சரியாகி விடும் என்ற நம்பிக்கையில் மாத்திரைகளை சாப்பிட்டு வந்த அவர், தொடர்ந்து காய்ச்சல், தலைவலி வரவே 17ம் தேதியன்று தூத்துக்குடி தமிழ் சாலையில் உள்ள தனியார் மருத்துவமனையில் வெளி நோயாளியாக சிகிச்சை பெற்றுள்ளார்.  தொடர்ந்து காய்ச்சல் வந்து கொண்டே இருந்ததால் 19ம் தேதி மீண்டும் மருத்துவமனைக்கு சென்ற அவரை பரிசோதித்த மருத்துவர்கள் "வைரல் காய்ச்சல் ஏற்பட்டுள்ளதால் 5 நாட்களுக்கு பிறக...
Read more

அதிமுகவில் இருந்து வெளியே சென்றவர்களை அழைத்து வர வேண்டும்... அதுவரைவெற்றிப்பயணத்தில் கலந்து கொள்ள மாட்டேன்.. செங்கோட்டையன் பரபரப்பு பேட்டி

By தமிழ் அஞ்சல்
Image
 அதிமுகவின் மூத்த நிர்வாகிகளில் ஒருவரும், முன்னாள் அமைச்சருமான கே.ஏ.செங்கோட்டையன் 9 முறை சட்டமன்ற உறுப்பினராகவும், மூன்று முறை அமைச்சராகவும் இருந்தவர்.  அவர் மனம் திறந்து பேசப்போவதாக கூறியதை அடுத்து அரசியல் வட்டாரத்தில் பெரும் பரபரப்பு ஏற்பட்டது. வேறு கட்சிகளுக்கு செல்லப்போவதாகவும், ஒருங்கிணைந்த அதிமுக பற்றி பேசப்போவதாகவும் பல்வேறு பேச்சுகள் நிலவின. இந்த நிலையில் கே.ஏ.செங்கோட்டையன் செய்தியாளர்களை இன்று சந்தித்தார். அப்போது அவர் பேசுகையில், ‘1972 ல் எம்.ஜி.ஆர். அதிமுகவை தொட்ங்கினார். 1973ல் அதிமுக சார்பில் திண்டுக்கல் இடைத்தேர்தலில் மாயத்தேவர் போட்டியிட்ட போது மாபெரும் வெற்றி பெற்றார்.  கோவையில் அப்போது நடைபெற்ற பொதுக்குழுவில், அரங்கநாயகம் தலைவர், திருப்பூர் மணி மாறன் செயலாளர், என்னை பொருளாளராக நியமித்து இருந்தார். நாங்கள் முழுமையாக நின்று செயல்படுத்தி எம்.ஜி.ஆரை அழைத்து சென்றபோது, மகிழ்ச்சி தெரிவித்தார்.  1977ல் நான் கோபியில் போட்டியிடுற போது, சத்தியமங்கலத்தில் என்னை எம்.ஜி.ஆர் நிற்க சொன்னார். அங்கு எனக்கு புதிய இடம் என்று கூறினேன், தனது பெயரை உச்சரிக்க சொன்னார்....
Read more

ரூ.7,616 இமாச்சலப் பிரதேசத்தில் உள்ள அரசுப் பள்ளியின் முதல்வர் எழுதிய காசோலை - இனையத்தில் வைரலானதால் கேள்விக்குள்ளான நாட்டின் கல்வி முறை.!!

By
Image
இமாச்சலப் பிரதேசத்தில் உள்ள ஒரு அரசுப் பள்ளியின் முதல்வர் எழுதிய காசோலை, அதன் நகைச்சுவையான எழுத்துப் பிழைக்காக சமூக ஊடகங்களில் வைரலாகி வருகிறது. காசோலை ₹ 7,616 தொகைக்கு கையொப்பமிடப்பட்டது . 'சேவன் வியாழன் ஹரேந்த்ரா அறுபது' என்று குறிப்பிடப்பட்ட காசோலையின் புகைப்படத்தை பயனர்கள் பகிர்ந்து கொண்டனர் . சிலர் புகைப்படத்தைப் பார்த்து சிரிப்பை வரவழைத்தாலும், மற்றவர்கள் நாட்டின் கல்வி முறை குறித்து கவலைகளை எழுப்பினர். இமாச்சலப் பிரதேசத்தின் ரோன்ஹாட்டில் உள்ள அரசு மேல்நிலைப் பள்ளியின் முதல்வர், 'ஏழு' என்பதை 'சேவன்' என்றும், 'ஆயிரம்' என்பதை 'வியாழன்' என்றும், 'நூறு' என்பதை 'ஹரேந்திரா' என்றும் எழுத்துப்பூர்வமாக எழுதி, தொகையை சரியாக எழுதத் தவறியதாகக் கூறப்படுகிறது. மேலும், 'பதினாறு' என்பதை இறுதியில் 'அறுபது' என்றும் எழுதியுள்ளார். செப்டம்பர் 25ம் தேதியிட்ட காசோலை, அட்டர் சிங் என்ற  பள்ளியின் ஊழியருக்கு வழங்கப்பட்டதாக செய்தி வெளியாகியுள்ளது. இருப்பினும், இந்த தவறுகள் காரணமாக வங்கியால் அது நிராகரிக்கப்பட்டு, காசோலை வங்கியால் ரிட்...
Read more