தமிழ் அஞ்சல் - TAMIL ANJAL

  தூத்துக்குடி முத்தம்மாள் காலனி குடியிருப்போர் பொதுநலச்சங்கத்தின் 22வது ஆண்டு விழா மற்றும் பொதுக்குழுக் கூட்டம் திருமூலர் பூங்கா அருகில் நடைபெற்றது. நலச்சங்க தலைவர் தங்கராஜா தலைமை தாங்கினார். செயலாளர் தமிழ்ச்செல்வன் வரவேற்புரையாற்றினாா்.  முன்னாள் தலைவர் ஆறுமுகம், மண்டலத் தலைவர் வக்கீல் பாலகுருசுவாமி, கவுன்சிலர் சுப்புலட்சுமி, காமராஜ் கல்லூரி முன்னாள் தமிழ்த்துறைத் தலைவர் முனைவர் கந்தசாமி ஆகியோா் சிறப்புரையாற்றினார்கள். பள்ளி கல்லூரி இறுதித்தேர்வில் அதிக மதிப்பெண் பெற்ற மாணவர்களுக்கு பரிசுகள் மற்றும் சான்றிதழ் வழங்கப்பட்டது. தொடர்ந்து நடைபெற்ற பொதுக்குழுக் கூட்டத்திற்கு ஹேமலதா வரவேற்றார். சண்முகராஜ், பாலசுப்ரமணியன் பிச்சையா கர்டோசா ஆகியோர் வாழ்த்துரை வழங்கினாா்கள். தமிழ்ச்செல்வன் 2025-2026ம் ஆண்டிற்கான ஆய்வு அறிக்கை வாசித்தார். 2025- 2026ம் ஆண்டிற்கான வரவு செலவு அறிக்கையை பொருளாளர் சண்முகசுந்தரம் வாசித்தார். தலைவர் தங்கராஜா பொதுக்குழு தீர்மானத்தை வாசித்து ஒப்புதல் பெற்றார்.  நிகழ்ச்சியில் நலச்சங்க நிர்வாகிகள் டேவிட்சன் சிவசுப்பிரமணியன், சொக்கலிங்கம், வீரப்பெருமாள், நாகரா...

தூத்துக்குடி துறைமுகம் அலுவலகம் முன்பு துறைமுகத்தில் பணிபுரிந்து உயிரிழந்த ஊழியர்களின் வாரிசுகளுக்கும் மருத்துவத்துறையில் ஓய்வு பெற்ற ஊழியர்களின் வாரிசுகளுக்கும் வஉசிதம்பரனார் துறைமுகத்தில் நிரந்தர பணியோ அல்லது ஒப்பந்த அடிப்படையில் பணியமர்த்த வேண்டும் என மத்திய அரசின் தூத்துக்குடி துறைமுக நிர்வாகத்தின் கவனத்தை ஈர்க்கும் வகையில் கண்டன ஆர்ப்பாட்டம் நடைபெற்றது. தூத்துக்குடி துறைமுக வாரிசுதாரர்களின் நலசங்க தலைவர் பெருமாள்  தலைமையில் விடுதலை சிறுத்தைகள் கட்சி மாவட்ட செயலாளர் வக்கீல் சார்லஸ் வரவேற்புரையாற்றினாா். ஆா்ப்பாட்டத்தை பொதுச் செயலாளர் ஞானசேகரன் தொடங்கி வைத்து பேசுகையில்    சமீபத்தில் 3 ஆண்டுகளில் ஒப்பந்த அடிப்படையில் 500 நபர்களுக்கு வேலைவாய்ப்பு வழங்கியிருக்கும் துறைமுக நிர்வாகம் அதில் ஒரு 10 நபர்களுக்கு கூட வாரிசுதாரர் குடும்பங்களுக்கு வேலை வாய்ப்பு வழங்கவில்லை ஆதலால் அவர்களுக்கு துறைமுகத்தில் வேலைவாய்ப்பு வழங்காமல் புறக்கணிப்பதை கண்டித்தும் துறைமுக நலனுக்காக தன்னுயிர் நீத்த தியாகிகளின் வாரிசுகளுக்கு நிரந்தர வேலை அல்லது கால முறை ஊதியம் ஸ்போர்ட்ஸ் கவுன்சிலில் உள்ளது போ...

தூத்துக்குடி அரசுத் தொழில்நுட்பக் கல்வித் தேர்வு ஜிடிஇ விடைத்தாள் திருத்தும் பணியை உடனடியாக நிறுத்துமாறு தட்டச்சுப் பள்ளிகளின் சங்கம், தொழில்நுட்பக் கல்வி இயக்குநருக்கு கடும் எச்சரிக்கையுடன் கடிதம் எழுதியுள்ளது.  சங்கத் தலைவர் டாக்டர் கே. சுரேஷ் குமார் தலைமையில் அனுப்பப்பட்ட இந்தக் கடிதத்தில், மேனுவல் டைப்ரைட்டா்  மூலம் நடைபெறும் தட்டச்சுப் பள்ளி தேர்வுகளை கணினி வழி முறைக்கு மாற்றும் முயற்சியை கடுமையாக எதிர்த்துள்ளனர். இதனால் தமிழகம் முழுவதும் சுமார் 5,000 அரசு அங்கீகாரம் பெற்ற தட்டச்சுப் பள்ளிகள் மூடப்படும் அபாயத்திலும், 55,000-க்கும் மேற்பட்ட ஆசிரியர்கள், தொழில் வல்லுநர்கள் வேலை இழக்கும் நிலையிலும், 5 லட்சம் குடும்பங்களின் வாழ்வாதாரம் பாதிக்கப்படும் அபாயத்திலும் உள்ளதாக சங்கம் தெரிவித்துள்ளது.  மேலும், மால்பிராக்டிஸ் கமிட்டி விசாரணை முறை, தமிழ்99 மற்றும் 28-10-2024 தேதிய அரசாணை எண்.187 கட்டாயப்படுத்தல், மறுதிருத்தம் வசதி நீக்கப்பட்டது, தேர்வுப் பணி சன்மானம் தாமதமாவது, தவறாபன தேர்வு மையம் தேர்ந்தெடுக்கப்பட்டது உள்ளிட்ட பல்வேறு குறைபாடுகளையும் சங்கம் சுட்டிக்காட்டியுள்ளது...

  தூத்துக்குடியில், தொழிலதிபரை மிரட்டி ரூ. 1 கோடி பணம் கேட்டு அச்சுறுத்தியதாக தொடரப்பட்ட வழக்கில் பிஎம்டி நிறுவனத்தின் நிறுவனர் மற்றும் தலைவர் இசக்கிராஜாவை தெற்கு காவல் நிலைய போலீசார் கைது செய்து சிறையிலடைத்தனர். தூத்துக்குடி தெற்கு காவல் நிலையத்தில் கடந்த 21.09.2026 அன்று வரப்பெற்ற புகாரில், தங்க நகை பரிவர்த்தனை தொடர்பான தகராறில் புகார்தாரரிடம் ரூ. 1 கோடி பணம் தருமாறு கேட்டு மிரட்டல் விடுக்கப்பட்டதாகத் தெரிவிக்கப்பட்டது. பணம் தராவிட்டால் புகார்தாரருக்கும் அவரது தொழிலுக்கும் பெரிய அளவில் பாதிப்பை ஏற்படுத்துவதுடன், சமூக வலைதளங்களில் அவதூறான தகவல்களைப் பரப்பி மானபங்கம் செய்வதாகவும் மிரட்டல் விடுக்கப்பட்டுள்ளது. இப் புகாரின் பேரில் தூத்துக்குடி தெற்கு காவல் நிலைய போலீசார் பாரதிய நியாய சன்ஹிதா (BNS) பிரிவுகள் 308(4) மற்றும் 351(3)-ன் கீழ் குற்ற எண்: 917/2026 என வழக்குப் பதிவு செய்து விசாரணை மேற்கொண்டனர். விசாரணையில் சேகரிக்கப்பட்ட ஆதாரங்களின் அடிப்படையில், தூத்துக்குடி 3-வது மைல், தேவர் காலனியைச் சேர்ந்த கருப்பசாமி மகன் இசக்கிராஜா (46) என்பவரைக் காவல் துறையினர் கைது செய்தனர். இவர் ...

தூத்துக்குடி மாநகராட்சி யுகே பேக்ட் திட்டத்துடன் இணைந்து, ஐடிடீபி இந்தியா  நிறுவனத்தின் தொழில்நுட்ப ஆதரவுடன், மாநகராட்சியால் சமீபத்தில் ஏற்றுக்கொள்ளப்பட்ட ஆரோக்கியமான சாலைகள் கொள்கை மற்றும் விரிவான சாலை மற்றும் தெரு வடிவமைப்பு வழிகாட்டுதல்கள் தொடர்பான திறன் மேம்பாட்டு பயிலரங்கம் மாநகராட்சியில் நடைபெற்றது.   இந்தப் பயிலரங்கு, தூத்துக்குடிக்கான பேக்ட் திட்டத்தின் ஒரு பகுதியாக நடைபெற்றது. இத்திட்டத்தை ஐஐடி மெட்ராஸ் ஐடிடீபி இந்தியா, டிஇஆா்ஐ சிஇஎன்இஎக்ஸ் ஆகிய நிறுவனங்களுடன் இணைந்து முன்னெடுத்து வருகிறது. இத்திட்டம் காலநிலை சார்ந்த நகர்ப்புற திட்டமிடல் மற்றும் போக்குவரத்து அமைப்பை மையமாகக் கொண்டுள்ளது. இப்பயிலரங்கில் தூத்துக்குடி மாநகராட்சியின் அதிகாரிகள் மற்றும் தொழில்நுட்பப் பணியாளர்களுடன், தொடர்புடைய பல்வேறு அரசுத் துறைகளின் பிரதிநிதிகளும் கலந்து கொண்டனர். இதன் மூலம், கொள்கையின் நோக்கங்களை அனைவரும் ஒருங்கிணைந்து புரிந்துகொள்வதுடன், சாலைகள் மற்றும் போக்குவரத்து உட்கட்டமைப்பின் திட்டமிடல், வடிவமைப்பு மற்றும் செயல்படுத்தலில் அவற்றை நடைமுறைப்படுத்துவது குறித்து விவாதிக்கப்பட்டது...

தூத்துக்குடி டி.எம்.டி. காலனி 10-வது தெருவைச் சேர்ந்தவர் முத்துராஜ் மகன் இசக்கி ராஜ் (33). இவர் கட்டுமானத் தொழில் செய்து வருகிறார். இசக்கி ராஜ் கடந்த 2023-ஆம் ஆண்டு தூத்துக்குடி வேலவன் ஹைப்பர் மார்க்கெட்டில் உள்ள நகைக்கடையில் நகைகள் வாங்கியுள்ளார். பின்னர் தனது தொழில் தேவைக்காக அந்த நகையைத் தனியார் நிதி நிறுவனத்தில் அடகு வைக்க முயன்றபோது, அதில் அதிகளவு உலோகம் கலந்திருப்பதாக நிதி நிறுவனத்தினர் தெரிவித்துள்ளனர். இதனையடுத்து, "தன்னிடம் போலி நகையைக் கொடுத்து ஏமாற்றி விட்டீர்கள்" என ஹைப்பர் மார்க்கெட் நகைக்கடையில் முறையிட்ட இசக்கி ராஜ், இது தொடர்பாகத் தூத்துக்குடி மாவட்ட எஸ்பியிடமும் புகார் மனு அளித்தார். இதற்கிடையே, நகைக்கடை நிர்வாகத்தினர் இசக்கி ராஜாவிடம் பேச்சுவார்த்தை நடத்தி, அந்த நகைகளுக்கான தொகையான ரூ. 4,22,000-ஐ டிஜிட்டல் பரிவர்த்தனை மூலமாகத் திரும்ப வழங்கியுள்ளனர். மேலும், தங்களது நகையைத் திரும்பத் தருமாறு கேட்டுள்ளனர். ஆனால், பணத்தைப் பெற்றுக்கொண்ட இசக்கி ராஜ் நகையின் தரத்தை நிருபிக்கும் ஆதாரத்திற்க்காக நகையை  திரும்பக் கொடுக்காமல் இருந்ததாக  கூறப்படுகிறது. இச்சம்பவம் குற...

  தூத்துக்குடி மாநகராட்சி பகுதிகளில் குடிநீர் குழாய்களில் நேரடியாக மின் மோட்டார்களைப் பொருத்தி நீரினை உறிஞ்சினால், மோட்டார்கள் பறிமுதல் செய்யப்பட்டு உடனடியாகக் குடிநீர் இணைப்பு துண்டிக்கப்படும் என மாநகராட்சி ஆணையர் சி. பிரியங்கா எச்சரித்துள்ளார். தூத்துக்குடி மாநகராட்சிப் பகுதிகளுக்குத் தேவையான குடிநீரானது, மாநகரப் பகுதியில் இருந்து சுமார் 45 கிலோமீட்டர் தொலைவில் உள்ள தாமிரபரணி ஆற்றுப்படுகையில் இருந்து நீர் உறிஞ்சு குழாய்கள் மூலம் எடுக்கப்பட்டு வருகிறது. இவ்வாறு பெறப்படும் நீர் நவீன முறையில் சுத்திகரிக்கப்பட்டு, மேல்நிலை நீர்த்தேக்கத் தொட்டிகள் வாயிலாகச் சுழற்சி அடிப்படையில் நகர் முழுவதும் சீராக விநியோகம் செய்யப்பட்டு வருகிறது. தற்போது கடுமையான வெயிலின் தாக்கம் நிலவி வரும் நிலையிலும், மாநகராட்சி சார்பில் குடிநீர் முறையாக விநியோகிக்கப்பட்டு வருகிறது. எனினும், மாநகரின் ஒரு சில குறிப்பிட்ட பகுதிகளில் குடிநீர் விநியோகம் தடைபடும் சூழ்நிலை ஏற்பட்டது. இது தொடர்பாக மாநகராட்சி அலுவலர்கள் கள ஆய்வு மேற்கொண்டதில், சில இடங்களில் குடிநீர் குழாய்களில் விதிமுறைகளுக்கு மாறாக நேரடியாக மின் மோட்டார்க...