தேர்தல் பதிவான வாக்குப்பெட்டி பாதுகாப்பு அறை உள்ள வளாகத்தில் சிசிடிவி கேமரா மூலம் 24 மணி நேரமும் கண்காணிக்கப்படும்

By தமிழ் அஞ்சல்

ஊரக உள்ளாட்சி தேர்தல் பதிவான வாக்குப்பெட்டி பாதுகாப்பு அறை உள்ள வளாகத்தில் சிசிடிவி கேமரா மூலம் 24 மணி நேரமும் கண்காணிக்கப்படும் - ஆட்சியர் கந்தசாமி தகவல்


திருவண்ணாமலை மாவட்ட தேர்தல் அலுவலரும் மாவட்ட ஆட்சியருமான கே.எஸ்.கந்தசாமி வெளியிட்டுள்ள செய்தி குறிப்பில் கூறியிருப்பதாவது,
திருவண்ணாமலை மாவட்டம், ஊரக உள்ளாட்சித் தேர்தலை முன்னிட்டு மாவட்ட முழுவதும் 18 இடங்களில் அமைக்கப்பட்டுள்ள வாக்கு எண்ணும் மையங்களில், வாக்குப்பெட்டி பாதுகாப்பு அறை உள்ள வளாகத்தில் கட்டுப்பாட்டு அறை ஒன்று அமைத்து அதற்கு பொறுப்பாக துணை வட்டார வளர்ச்சி அலுவலர் நிலைக்கு குறையாத அலுவலர் ஒருவர் நியமித்து, அவருடன் இணைந்து காவல் துறை அலுவலர்கள் பணியாற்றிட வேண்டும். இக்காணிப்பு பணிகளை கட்டுப்பாட்டு அறையில் உள்ள அலுவலர்கள் சிசிடிவி கேமரா மூலம் 24 மணி நேரமும் மேற்கொள்ள வேண்டும். மேலும், கண்காணிப்பு பணியின்போது கண்காணிப்பு அலுவலர்கள் கண்காணிப்பு பணிகளை மேற்கொள்ளும்போது கட்டுப்பாட்டு அறையில் வைக்கப்பட்டுள்ள திரையினை பார்வையிட வேட்பாளரோ அல்லது அவரால் அங்கீகரிக்கப்பட்ட நபரோ அனுமதிக்க வேண்டும். கட்டுப்பாட்டு அறைக்கு வருகை புரியும் வேட்பாளரோ அல்லது அவரால் அங்கீகரிக்கப்பட்ட நபரோ கட்டுப்பாட்டு அறையில் பணிபுரியும் அலுவலர்களுக்கு இடையூறு ஏற்படுத்தாத வகையில் திரையினை பார்வையிட வேண்டும்.
வேட்பாளரோ அல்லது அவரால் அங்கீகரிக்கப்பட்ட நபரோ கட்டுப்பாட்டு அறைக்குள் மட்டுமே அனுமதிக்கப்படுவார்கள். வாக்குப்பெட்டிகள் வைக்கப்பட்டுள்ள பாதுகாப்பு அறைக்கு செல்ல அனுமதி கிடையாது. கட்டுப்பாட்டு அறைக்கு வருகைபுரியும் போதும், வெளியே செல்லும் போதும் வேட்பாளரோ அல்லது அவரால் அங்கீகரிக்கப்பட்ட நபரோ பார்வையாளர் பதிவேட்டில் பெயர், நாள் மற்றும் நேரம் ஆகியனவ பதிவு செய்து கையப்பமிட வேண்டும் ஆகிய அறிவுரைகளை பின்பற்றிட வேண்டும். இவ்வாறு அவர் தெரிவித்துள்ளார்.


Popular posts from this blog

தூத்துக்குடி மாவட்ட செய்தி மக்கள் தொடர்பு அலுவலர் இரா. நவீன் பாண்டியன் அவர்களிடம் தமிழ் அஞ்சல் தொழில் மலர் வழங்கப்பட்டது.

By
Image
தூத்துக்குடி மாவட்ட செய்தி மக்கள் தொடர்பு அலுவலர் ஜெகவீர பாண்டியன் அன்மையில் தேனி மாவட்டத்திற்கு மாற்றப்பட்டார். இதைத்தொடர்ந்து புதிய செய்தி மக்கள் தொடர்பு அலுவலராக நவீன் பாண்டியன் நியமிக்கப்பட்டார். இந்நிலையில் அவரிடம் இன்று தமிழ் அஞ்சல் நாளிதழின் தொழில் மலரை, தூத்துக்குடி மாவட்ட தமிழ் அஞ்சல் நாளிதழின் புகைப்பட சித்திக் வழங்கினார்.
Read more

புஞ்சை புளியம்பட்டி நகராட்சி நிர்வாகத்தை கண்டித்து, உண்ணாவிரத போராட்டத்தில் ஈடுபட முயன்றவர்கள் கைது - போராட்டத்திற்கு ஆதரவாக, கடைகள் அடைப்பு -

By
Image
ஈரோடு மாவட்டம், சத்தியமங்கலம், புன்செய் புளியம்பட்டி நகராட்சி நிர்வாகத்தை கண்டித்து, தமிழக விவசாயிகள் பாதுகாப்பு சங்கத்தினர் மற்றும் அரசியல் கட்சியினர் இன்று உண்ணாவிரத அறப் போராட்டம் நடைபெறும் என அறிவித்திருந்தனர் காலை முதலே,போராட்டத்திற்கு ஆதரவாக, பெரும்பாலான கடைகள் அடைக்கப்பட்டன. உண்ணாவிரத போராட்டத்தில் ஈடுபட முயன்றவர் களை போலீசார் கைது செய்தனர்.  புன்செய் புளியம்பட்டி நகராட்சி நிர்வாகம் ,மழை நீர் ஓடையின் குறுக்கே,, கழிவுநீர் சுத்திகரிப்பு நிலையமும், மந்தை நிலத்தை ஆக்கிரமித்து. வணிக வளாகமும் கட்டுவதை கண்டித்தும், நகராட்சி பகுதி 16 வது வார்டில், சந்தை வளாகத்தில், கொட்டப்பட்டுள்ள, குப்பை மேட்டை அகற்ற, நகர மன்ற உறுப்பினரும் , பொதுமக்களும், சமூக ஆர்வலர்களும் மனு அளித்து போராட்டம் நடத்தியும் எந்த நடவடிக்கையும் எடுக்காததை கண்டித்தும், புளியம்பட்டி கோயில் புதூர் வண்டிப் பாதையை, சீரமைத்ததாக பொய் சொல்லும் நகராட்சி நிர்வாகத்தை கண்டித்தும், சொத்து வரி,,தொழில் வரி,குப்பை வரி ஆகியவற்றை பலமடங்கு உயர்த்தியதை கண்டித்தும்,. வாரச்சந்தை தினசரி மார்க்கெட் கடைகளை தரமில்லாமல் கட்டப்பட்டுள்ளதை கண்டிப்ப...
Read more

கோபியில் அடையாளம் தெரியாத இரண்டு ஆண் பிரேதங்கள்

By
Image
  ஈரோடு மாவட்டம்,கோபியில் அடையாளம் தெரியாத இரண்டு ஆண் பிரேதங்கள் கோபி பொலவக்காளிபாளையம் to புதுக்கரைப்புதூர் சாலையில்,எல்லமடை - கூகலூர் கிளை வாய்க்காலில் சைபன் பாலம் அருகில் சுமார் 45 - 55 வயது மதிக்கத்தக்க ஆண் பிரேதம் மிகவும் அழுகிய நிலையில் அடையாளம் மற்றும் பெயர் விலாசம் தெரியாத நிலையில் எடுக்கப்பட்டு பெருந்துறை அரசு மருத்துவமனைக்கு அனுப்பி வைக்கப்பட்டது. கோபி போலீசார் இறந்து போனவர் குறித்து விசாரித்து வருகின்றனர். பொம்ம நாயக்கன்பாளையம் டாஸ்மாக் கடை அருகில் உள்ள குட்டையில் சுமார் 30- 35 வயது மதிக்கத்தக்க பெயர் விலாசம் தெரியாத ஆண் பிரேதம் மீட்கப்பட்டு கோபி அரசு மருத்துவமனைக்கு அனுப்பி வைக்கப்பட்டுள்ளது.  ஆய்வாளர்  செந்தில்குமார் கடத்தூர் காவல் நிலையம் (பொறுப்பு) மற்றும் உதவி ஆய்வாளர்  சத்யன் ஆகியோர் விசாரித்து வருகின்றனர். போலீசார் விசாரணையில் பொம்மநாயக்கன்பாளையம் டாஸ்மார்க் கடை அருகில் உள்ள குட்டையில் இறந்து கிடந்த ஆண் பிரேதம் கோபி மேட்டுவளவு, சண்முகத்தின் மகன் கார்த்திக் (32) என்பது தெரியவந்துள்ளது. இவருக்கு தமிழ்வாணி என்ற மனைவியும் உள்ளார். இருவருக்கும் திருமணமாக...
Read more