பா.சிவந்தி ஆதித்தனார் மணிமண்டபம் திறப்பு விழா ஆலோசனை கூட்டம்

By தமிழ் அஞ்சல்

பா.சிவந்தி ஆதித்தனார் மணிமண்டபம் திறப்பு விழா - தமிழக முதல்வர் 22ம் தேதி வருகை: ஆட்சியர் தலைமையில் அதிகாரிகள் ஆலோசனை கூட்டம்.




திருச்செந்தூரில் பா.சிவந்தி ஆதித்தனார் மணிமண்டபம் திறப்பு விழாவிற்கு தமிழ்நாடு முதலமைச்சர் வருகை விழா முன்னேற்பாடுகள் மற்றும் நலத்திட்ட உதவிகள் வழங்குதல் தொடர்பாக ஆலோசனை கூட்டம் மாவட்ட ஆட்சியர் சந்தீப் நந்தூரி, தலைமையில் நடைபெற்றது.

தூத்துக்குடி மாவட்டம் திருச்செந்தூரில் டாக்டர் பா.சிவந்தி ஆதித்தனாரின்  மணி மண்டபம்  திறப்பு விழாவிற்கு தமிழ்நாடு முதலமைச்சர் வருகை தரவுள்ளது தொடர்பாக விழா முன்னேற்பாடுகள் மற்றும் நலத்திட்ட உதவிகள் வழங்குதல் தொடர்பாக மாவட்ட ஆட்சியர் அலுவலக கூட்டரங்கில் மாவட்ட ஆட்சியர் சந்தீப் நந்தூரி, தலைமையில் ஆலோசனை கூட்டம் நடைபெற்றது. கூட்டத்தில் மாவட்ட ஆட்சியர் பேசியதாவது: தூத்துக்குடி மாவட்டம் திருச்செந்தூர் ஊராட்சி ஒன்றியம் வீரபாண்டியன்பட்டிணம் ஊராட்சி பகுதியில் செய்தி மக்கள் தொடர்புத்துறை மூலம் அமைக்கப்பட்டுள்ள மணிமண்டபம் திறப்பு விழாவுக்கு 22.02.2020 அன்று நேரில் வருகை தந்து திறந்து வைக்க உள்ளார்கள். தொடர்ந்து அருகில் உள்ள ஐடிஐ வளாகத்தில் நலத்திட்ட உதவிகள் வழங்கும் விழா சிறப்பாக நடத்தப்பட உள்ளது.

இவ்விழாவிற்கு பல்வேறு துறைகளின் சார்பில் திறக்கப்படவுள்ள திட்ட பணிகள், அடிக்கல் நாட்ட வேண்டிய பணிகள் மற்றும் புதிதாக அறிவிக்க வேண்டிய திட்ட பணிகள் குறித்த விவரங்களையும், நலத்திட்ட உதவிகள் வழங்கப்பட வேண்டிய பயனாளிகளின் பட்டியலையும் 10.02.2020க்குள் தயார் செய்து வழங்க வேண்டும். விழாவை சிறப்பாக நடத்திட ஒவ்வொரு துறையினரும் தீவிரமாக பணிகளை மேற்கொள்ள வேண்டும். பயனாளிகளை அழைத்து வரவும், அவர்களுக்கு தேவையான அடிப்படை வசதிகளை செய்திட வேண்டும். விழா ஏற்பாடுகளையும் ஒருங்கிணைந்து மேற்கொள்ள வேண்டும். விழா நடைபெறும் பகுதியில் மருத்துவக்குழு இருக்க வேண்டும்.

மேலும், ஆம்புலன்ஸ்கள் தயார் நிலையில் வைக்க வேண்டும். விழா தினத்தன்று மேடையில் பயனாளிகளை தனியாக அமர வைத்து நலத்திட்ட உதவி பெற ஏற்பாடு செய்திட வேண்டும். திறப்பு விழா விவரங்கள், அடிக்கல் நாட்டு விழா விவரங்கள், அறிவிப்பு விவரங்களை தனியாக கையேடாக தயார் செய்ய வேண்டும். விழாவுக்கு குறுகிய காலமே உள்ளதால் அனைத்து துறை பணியாளர்களும் ஒருங்கிணைந்து பணியாற்ற வேண்டும் என பேசினார்.

கூட்டத்தில், மாவட்ட காவல் கண்காணிப்பாளர் அருண் பால கோபாலன், தூத்துக்குடி மாநகராட்சி ஆணையர் வீ.ப.ஜெயசீலன், கூடுதல் ஆட்சியர் (வருவாய்) பா.விஷ்ணுசந்திரன், தூத்துக்குடி சார் ஆட்சியர் சிம்ரோன் ஜீத் சிங் காலோன், வருவாய் கோட்டாட்சியர்கள் விஜயா (கோவில்பட்டி), செல்வி.தனப்ரியா (திருச்செந்தூர்), மகளிர் திட்டம் திட்ட அலுவலர் ரேவதி, உதவி இயக்குநர் (ஊராட்சிகள்) உமாசங்கர், உதவி இயக்குநர் (பேரூராட்சிகள்) குற்றாலிங்கம் மற்றும் அனைத்துதுறை அலுவலர்கள் கலந்துகொண்டனர்.


Popular posts from this blog

மணிமுத்தாறு அருவியில் குளித்த தூத்துக்குடி நபர் ஆபத்தான ஆட்கொல்லி நோய் கிருமி தாக்கி பரிதாப மரணம்.!- தாமிரபரணியில் குளிப்பது ஆபத்தானதா.!?

By
Image
  மணிமுத்தாறு அருவியில் குளித்த நபருக்கு ஆபத்தான நோய் கிருமி தொற்று ஏற்பட்டதால் மருத்துவ சிகிச்சை பலனளிக்காத நிலையில் பரிதாபமாக உயிரிழந்தது பரபரப்பை ஏற்படுத்தியுள்ளது. தூத்துக்குடி ராம்நகர் 5 ஆவது தெருவில் வசித்து வந்தவர் 50 வயதான ராமச்சந்தின், மனைவி பெயர் கோமதி. இவருக்கு ஷ்யாம் (23) , தாரிணி (14) என இரு குழந்தைகள் உள்ளனர். நிறுவனங்களுக்கு வரி ஆலோசகராக செயல்பட்டு வந்த இவர் கடந்த அக்டோபர் 10ம் தேதி குடும்பத்தினருடன் மணிமுத்தாறு அருவிக்கு குளிக்க சென்றுள்ளார். பின்னர் வீடு திரும்பிய அவருக்கு இரண்டு நாட்களாக தலைவலி இருந்து வந்த நிலையில் அக்டோபர் 15ம் தேதி காய்ச்சல் ஏற்பட்டுள்ளது. இதனையடுத்து இரண்டு நாட்களில் சரியாகி விடும் என்ற நம்பிக்கையில் மாத்திரைகளை சாப்பிட்டு வந்த அவர், தொடர்ந்து காய்ச்சல், தலைவலி வரவே 17ம் தேதியன்று தூத்துக்குடி தமிழ் சாலையில் உள்ள தனியார் மருத்துவமனையில் வெளி நோயாளியாக சிகிச்சை பெற்றுள்ளார்.  தொடர்ந்து காய்ச்சல் வந்து கொண்டே இருந்ததால் 19ம் தேதி மீண்டும் மருத்துவமனைக்கு சென்ற அவரை பரிசோதித்த மருத்துவர்கள் "வைரல் காய்ச்சல் ஏற்பட்டுள்ளதால் 5 நாட்களுக்கு பிறக...
Read more

ரூ.7,616 இமாச்சலப் பிரதேசத்தில் உள்ள அரசுப் பள்ளியின் முதல்வர் எழுதிய காசோலை - இனையத்தில் வைரலானதால் கேள்விக்குள்ளான நாட்டின் கல்வி முறை.!!

By
Image
இமாச்சலப் பிரதேசத்தில் உள்ள ஒரு அரசுப் பள்ளியின் முதல்வர் எழுதிய காசோலை, அதன் நகைச்சுவையான எழுத்துப் பிழைக்காக சமூக ஊடகங்களில் வைரலாகி வருகிறது. காசோலை ₹ 7,616 தொகைக்கு கையொப்பமிடப்பட்டது . 'சேவன் வியாழன் ஹரேந்த்ரா அறுபது' என்று குறிப்பிடப்பட்ட காசோலையின் புகைப்படத்தை பயனர்கள் பகிர்ந்து கொண்டனர் . சிலர் புகைப்படத்தைப் பார்த்து சிரிப்பை வரவழைத்தாலும், மற்றவர்கள் நாட்டின் கல்வி முறை குறித்து கவலைகளை எழுப்பினர். இமாச்சலப் பிரதேசத்தின் ரோன்ஹாட்டில் உள்ள அரசு மேல்நிலைப் பள்ளியின் முதல்வர், 'ஏழு' என்பதை 'சேவன்' என்றும், 'ஆயிரம்' என்பதை 'வியாழன்' என்றும், 'நூறு' என்பதை 'ஹரேந்திரா' என்றும் எழுத்துப்பூர்வமாக எழுதி, தொகையை சரியாக எழுதத் தவறியதாகக் கூறப்படுகிறது. மேலும், 'பதினாறு' என்பதை இறுதியில் 'அறுபது' என்றும் எழுதியுள்ளார். செப்டம்பர் 25ம் தேதியிட்ட காசோலை, அட்டர் சிங் என்ற  பள்ளியின் ஊழியருக்கு வழங்கப்பட்டதாக செய்தி வெளியாகியுள்ளது. இருப்பினும், இந்த தவறுகள் காரணமாக வங்கியால் அது நிராகரிக்கப்பட்டு, காசோலை வங்கியால் ரிட்...
Read more

பழைய வாகனங்களுக்கு FC கட்டணம் 10 மடங்கு உயர்த்தி மத்திய அரசு உத்தரவு.!

By
Image
  நாடு முழுவதும் வாகன தகுதி சோதனை கட்டணங்களை சாலை போக்குவரத்து மற்றும் நெடுஞ்சாலைகள் அமைச்சகம் (MoRTH) திருத்தியுள்ளது, பத்து மடங்கு அதிகரித்துள்ளது. மத்திய மோட்டார் வாகன விதிகள் (ஐந்தாவது திருத்தம்) கீழ் திருத்தங்கள் உடனடியாக அமலுக்கு வருகின்றன, திருத்தங்களுக்கு முன்பு, 15 ஆண்டுகளுக்கும் மேலான வாகனங்களுக்கு அடுக்குகள் பொருந்தும். இருப்பினும், மத்திய அரசு இப்போது 10 ஆண்டுகள் நிறைவடைந்த வாகனங்களுக்கு அதிக கட்டணங்களை அறிமுகப்படுத்தியுள்ளது. புதிய விதிகளின் கீழ், தகுதி சான்று சோதனை கட்டணங்களுக்கான வரம்பு 15 ஆண்டுகளில் இருந்து 10 ஆண்டுகளாக மாற்றப்பட்டுள்ளது. அரசாங்கம் மூன்று தெளிவான வயது பிரிவுகளையும் அறிமுகப்படுத்தியுள்ளது: 10-15 ஆண்டுகள், 15-20 ஆண்டுகள் மற்றும் 20 ஆண்டுகளுக்கு மேல். ஒவ்வொரு பிரிவிலும் இப்போது வாகனம் பழையதாகும்போது அதிக கட்டணம் வசூலிக்கப்படுகிறது. புதிய கட்டணங்கள் வாகனத்தின் வயது மற்றும் வகையை அடிப்படையாகக் கொண்டவை, மேலும் அவை 15 வயதுக்கு மேற்பட்ட பெரும்பாலான வாகனங்களுக்குப் பயன்படுத்தப்படும் முந்தைய கட்டணங்களை மாற்றுகின்றன. கனரக வணிக வாகனங்களுக்கு, இந்த அதிகரிப்பு மி...
Read more